Nova Ryandi : Sajak, Sastra, dan Sunda

Ema, ieu kuring nu keur ngumbara nyiar panemu, sakumaha piwejang ema Ema ieu kuring nu ngulik nyiar pangarti,  sakumaha pituduh ema  Ema ieu kuring nu keur ngasah ngabebenah manah,  sakumaha piwuruk ema Ema ieu kuring, sakumaha bisana kuring diajar,  keukeuh ema, kuring teu bisa ngadongkang pangabisa ema  ngadidik tur ngajaring kuring.                                                                         Mekarjaya 14/08/2015

Ngan ukur kadua panineungan Ema,  kuring ngahelas ras inget keur diusapan ku Ema,  kiwari jadi hiji kasono anu hamo kawaler di dunya. Enya ma, ayeuna kuring nyiar kahayang Ema,  pikeun nganggeuskeun ngamandala  nu baris jadi bekel keur babakti ka Ema.                                                                 Mekarjaya 27/8/2015

Nova Ryandi Mahasiswa S astra S unda Fakultas Ilmu Budaya Unpad Beri aku seratus orang tua, maka akan ku cabut semeru dari akarnya, dan beri aku sepuluh pemuda niscaya akan ku goncangkan dunia . - Dr.(HC).Ir. Soekarno Seba ris kata mutiara dari sang proklamator yang sangat membakar semangat para putra bangsa indonesia. Semangat yang seharusnya diteruskan oleh para pemuda masa kini. Memberikan berjuta aksi dan pengabdian bagi NKRI. Aksi demi I ndonesia yang gemilang dimasa mendatang. Pemuda yang pada hakikatnya menjadi generasi penting dan bagian vital dalam kehidupan bangsa ini seharusnya memiliki semangat dan daya juang yang tinggi untuk kemajuan bangsa. Terkait dengan peran inilah seharusnya yang disadari oleh para pemuda saat ini seperti yang diucapkan oleh Ir. Soekarno . Namun  pada kenyataannya tidak semudah demikian, masih banyak diantara generasi harapan bangsa itu yang belum menyadari akan pentingnya peran tersebut. Padahal seharusnya merekalah yang menyua...

Mimitian ditepangkeun Pabeubeurang asana mah tepung deui téh. Harita basa Wa Dédy diulem ka PSBJ FIB UNPAD dina raraga miéling poé basa indung sadunya. Harita pisan mimitian wantun nyalukan ka anjeuna téh. Da saenyana mah sadidinten ogé tara wantun nyalukan ari dikersakeun tepang di bumi mah padahal mindeng pisan ningali anjeuna ngalangkung payuneun bumi pun bibi. Saenyana Pun Bibi sok pangangguran nyaritakeun anjeuna ka simkuring. Pajar teh “ Éta gé Nova Wa Dédy gé alus kana kasundaan mah, loba pisan buku – buku sunda di imahna téh da osok nulis dina majalah ogé, sok geura anjangan kaditu, da tiheula gé tos dibejakeun yén Nova kuliah di jurusan sunda cek bibi téh”. Kitu cenah pun bibi nyarita ka kuring ngan kuring teu apal naon waleran anjeuna sabada pun bibi nyarios kitu ka anjeuna, teu kungsi katanyakeun deui da geus langka nganjangan bibi harita téh da keur aya garapeun di kampus. Éta téh mimitian pisan kuring apal ka Wa Dédy, geningan nyawang – nyawang kanu anggang, ari n...

Angin meniup dedaunan Menemani gemericik hujan  yang tak lelah berlari Seperti rinduku..                                                                                     Bandung 18 / 4/ 2015

Teu nyangka, Hujan bakal marengan peuting ieu Jiga nu geus surti naon nu karasa ayeuna Duka saha nu ngaiberan Dalah reungit dihareupeun irung gé teu apaleun Yén ayeuna wayah kieu Kuring ngagugulung kasono nu can wasa kabudalkeun!                       Ciamis, 1/26/2015 21.18

Kasono nu ngadodoho Kanu paanggang Kanu pajauh Wengi engké Ditempat nu sarua Urang budalkeun Ieu rasa!                                 Ciamis, 1/22/2015 12.40

Aya rasa nu manteng dina implengan Ngagantung dina jero lamunan Aya seuri anu nyari, Imut leleb nu ngagantung ditungtung biwirna Teu aya! Teu aya nu béda Seuri nu mawa nyari, imut nu matak geugeut, kabéh sarua Nu béda ngan ukur jarak, nu misahkeun saheulaanan                      Ciamis, 1/22/2015 12.01

Angin niup gegelebugan bangun nu mupuas Kana naon nu karandapan peuting ieu Langit semu alum taya marahmay nahnay Béntar geus seuseurian ti tebéh kulon kénéh Nyeungseurikeun katunggara Ngaléléwé kapeurih Sora dordarna gelap satia marengan Hujan mémang geus raat kajanarikeun Tapi masih kénéh aya nungagulidag Sajeroeun manah!                                                                                                                                                    Ciamis, mangsa hujan wanci janari 1/22/2015 

Episode kopi dan pagi hari Air didalamnya pekat dan panas, Namun tak menyala-nyala, Mendidih,  beruap nan bersuasana kelam Tapi tak seperti api Yang rakus melahap keringnya batang pohon 28/08/2015

URANG (téh) SUNDA Urang (téh) Sunda… Sirahna diiket dibaju kamprét lawon hideung majarkeun cenah jatidiri Babasaan sékésélér cenah némbongkeun karancagéan Tembang – tembang kasundaan majarkeun seni buhun anu kudu dimumulé Dayeuh kawali jadi wawakil tetengger yén Sunda pernah ngajadi Tapi kiwari ngan ukur cacarita jadi béja tatalépa nu teu puguh monyét hideungna Urang (téh) Sunda… Soméah hadé ka  sémah Daréhéh akuan teu haseum budina, matak resep omonganana Sapopoé ngaronyok silih élédan Tapi kiwari papaharé paharé – haré Urang (téh) Sunda… Lain si Kabayan nu hésé baranggawé Lain Nyi Iteung nu ngan bisa jamedud nitah salakina digawé Tapi ayeuna urang Sunda kalah leuwih ti si Kabayan, kalékéd hésé digawé, Kawas Nyi Iteung jaramedud unggal poé Ai ngaku cenah urang Sunda, Tapi réngkak paripolah lir kujang nu leungiteun pangadékna.                   ...

PEUTING TADI Cai canémbrang hérang Laukna babari beunang Sawah anu héjo lémbok ngampar upluk – aplak satungtung deuleu hawa tiis pagunungan nyecep satulang sandi leuweung – leuweung katémbong gagah tangkal – tangkal ngajungkiring narangtung arajeg mapaés kaéndahan alam kamonésan hirup antara urang jeung alam anu silih pikabutuh kabéh atra katingali, écés katénjo dina impian peuting tadi. 

PATAMANAN BASAJAN Tiisna haté lir tiisna ciibun ngadalingdingkeun seungitna nyambuang sabumandala Patamanan saamparan ditanceban kembang – kembang asih pangeusina malati nyugemakeun ati samoja mawa bagja éndah taya papadana Alam urang jagaeun urang taman kadéwan nu basajan dieusian  kekembangan lain saukur melak kahayang tapi éta jadi simbul pangharepan arep – arepeun jagaeun baringsupagi Kembang – kembang asih di patamanan panganteur tineung panyawangan                         Prawirotaman, Yogyakarta 2014

Catetan Cikapundung Leumpang mapay sisi jalan Braga Maksakeun kaludeung, ngudag – ngudag pangharepan Duméh can kapanggih raratanana Ukur halimun nu terus nyimbutan lalangsé haté, ngan méga nu satia maturan pileumpangan Cikapundung beuki atra ngaguruh bangun nu surak ngareuah - reuah Nyeungseurikeun ieu diri nu hayoh baé cicing dikungkung kabingung Keukeuh teu tepung jeung nu dipimaksud Langit angkeub kasorénakeun, Nganteur srangéngé nu rék reureuh tas digawé satengahing jalan nu dipapay can kénéh aya pituduh sugan jeung sugan ngandelkeun boa bingbang diparapatan jalan Anteng ngumbar sagara lamunan nu ditéang horéng geus euweuh dikieuna tempat mulang jeung ngumbar kabingung tempat sasadu lamun haté keur baluweng

M ulang ka Cimanggung KU NOVA RYANDI      Waktu geus liwat ti wanci magrib, tapi awak can méréan keur muru mulang ka imah buru – buru. Karasa haté ngadadak seseblakan, kabulen ku kaéra rek balik ka imah téh. Horéam tadina mah balik téh, mun teu ditelepon ku nu jadi indung mah, cenah nitah buru balik, meni ampleng – amplengan nyiar kipayah di Jakarta téh, karunya barudak jeung pamajikan cenah ceuk Ema dina telepon saminggu katukang.        Bungsu ti limaan kuring téh, lanceuk tilu awéwé, ngan kuring jeung nu pangais bungsu wéh lalaki téh ukur duaan, hirup kasebutna beunghar jeung sagala nyampak katambah asa dipangmeunangkeun hayang nanaon gé ku Apa mah da pédah bungsu meureun sanajan geus kawin ogé tetep teu robah nyaahna Apa ka kuring, hayang nanaon teu weléh cumpon, matak daék ogé indit ka Jakarta téh da pédah kabita ku bati gedé mun usaha di kota mah, modal paméré ti Apa sanajan kudu ninggalkeun pamajikan jeung budak tilu ogé, cék pikiran ma...